Seðlabankafrumvarpið

Jæja, þá er búið að taka til í Seðlabankanum og allir óþekku bankastjóramennirnir á förum.  Nýjir taka við.  Allar breytingar eru sárar og bataferlið kann að vera erfitt viðureignar.  Vonum samt að nýjar áherslur og hreinsanir ýti okkur upp úr táradalnum.

Seðlabankafrumvarpið samþykkt

Einelti e. uppsögn

Ekki trúi ég að fólk hafi verið allsgáð þegar það ritar slíka rafræna tölvupósta til þeirra sem héldu vinnu sinni en þeir ekki.  Ég sá enga ástæðu til að kasta skít í mína fyrrverandi samstarfsmenn sem héldu sinni vinnu, held að ekkert þeirra hafi átt þátt í því að mér var sagt upp.  Að sjálfsögðu var ég ósátt við uppsögnina, hver ekki? En það þurfti að segja upp og ég var fyrst í röðinni vegna aldurs og kjaftsforugheita.

 Maðurinn minn er enn velkominn á sinn gamla vinnustað og eru enn hlýleg samskipti á milli hans og fyrrverandi samstarfsmanna.

En reiðin og vanmátturinn tekur okkur oft á skrítnar slóðir og í öllu uppnáminu glötum við rökrænnri hugsun og leyfum gamminum að ráða. 

Áreiti, reiði og hefndarhugur hittir aðeins mann sjálfan - það er mín reynsla forðum.

Reiðin brýst út

Hlutabætur

Þær eru hreint fínar þessar ráðherrakonur.  Vonandi er nægur peningur í ríkiskassanum til að greiða öllum þeim sem eru á vergangi vegna fjármálafallsins bætur.  Svo er bara spurning hvernig 90 daga ríkisstjórninni tekst að hífa upp þjóðarskútuna og leysa allan vandræðagang fyrri ríkisstjórnar.

Framlengja ákvæði um hlutabætur

Gulur, rauður, grænn og blár

Halló, getur einhver sagt mér á einfaldri íslensku hvað er í gangi.  Á bullið ekki að vera búið nú þegar ný ríkisstjórn hefur tekið við taumunum?  Erum við að ríða haltum hesti? - afsakið orðbragðið en almúgagenið segir aðeins til sín núna. 

Guði sé lof að fyrir löngu ákvað ég að taka bara einn dag í einu ... en stundum verða þeir tveir og nú er ég farin að skyggnast fram nokkra mánuði og farin að telja aurana í buddunni minni.  Hvað skyldu þeir duga lengi handa atvinnulausum óvita?

Framsókn skekur ríkisstjórnina

Ábyrgir og ekki ábyrgir

Ég myndi aldrei skamma gjaldkerann, bókarann, símatækninn eða hinn almenna starfsmann á gólfinu.  Hins vegar hef ég tekið í minn sjóðsstjóra fyrir að vera ekki nægilega upplýsingavænn og að halda að sér upplýsingum á elleftu stundu, sem kom sér illa fyrir konu og hennar mann.  Ég hef samt ekkert á móti þeirri manneskju persónulega, enda fallegur, vel máli farinn, kurteis og hefur allt til að bera til þess að maður treysti honum fyrir aurnum sínum.  Veit ekki hvort ég hefði treyst Jóni með skít undir nöglunum og horstrimil niður að efri vör - en Jón hefði kannski verið varkárari og gefið greinarbetri upplýsingar um það sem var að gerast.

Áður en ég missti vinnuna görguðu stundum viðskiptavinir á mig, saklausa launþegann, ef eitthvað var ekki nógu gott eða hlutirnir fóru úrskeiðis og svo í kjölfarið komu skammir að ofan og stundum að neðan líka.  Undir lokin var svo prumpað á mig.

Leita sér sálfræðihjálpar

Er ekki í lagi

Hvaðan fá þessar konur viðskiptavitið sitt.  80 ár er hreinlega að leigja dýrum dómum af bankakerfinu.

Vilja að lánstími verði tvöfaldaður

Nenni að að fréttatengja skrifin mín - það er bolludagur

Það færðist bros yfir andlitið og hún lygndi aftur augunum, munnurinn varð nautnalegur og hún hreyfði mjaðmirnar í hægum takti fram og til baka þar til hún fann hvernig þéttur sandurinn umlukti lendar hennar eins og sterkar karlmannshendur. Henni fannst mjög ánægjulegt hvað hún var farin að njóta líkama síns og að hún skammaðist sín ekki lengur fyrir sterkar ástríður sínar. Hvítur rakur bómullarbolurinn undirstrikaði stór brjóstin, sem voru enn stinn, og kvenlegar línur líkama hennar. Hún strauk brjóstin hægt og rólega og naut þess að finna geirvörtunar þrútna og verða harðar viðkomu. Hönd hennar lyfti upp rökum bolnum og hún horfði á mjúkan kvið sinn alsettan rauðum rákum. Fingur hennar struku slitið á innanverðum lærunum og hún las í rákirnar eins og rúnir. Líkami hennar var líkt og landakort, sundurskorinn og merktur af breytilegu lífshlaupi hennar. Henni var farið að þykja vænt um þennan líkama og hún gældi við hvert ör og hverja fellingu eins og hún væri að strjúka ímynduðum elskhuga.

Haldið uppi

Almenningur blekktur, sérfræðingar ráðnir til að halda bréfum uppi.  Er einhver siðfræði í þessu.  Hversu margir komu að máli. 

Hvort einhver verði látinn sæta ábyrgð veit ég ekki.  Landið er fámennt og allir þekkja alla - er þetta ekki bara reiðarslagur sem gengur yfir okkur, rekur ungt fólk úr landi og kastar okkur langt aftur í fortíð? - Forvitnilegt að fylgjast með því hvað sérfræðingarnir gera og ríkisstjórnin.

Ég heyrði mann á mínum aldri tala um óttann við að missa vinnuna en gaf sjálfum sér þó það ímyndaða tækifæri að fara í nám yrði hann atvinnulaus.  Jafnvel stórir strákar gráta núna. 

Hlutabréfaverði var haldið uppi

Ynging

Nú veit ég afhverju margir álíta mig mörgum árum yngri en ég er - blessuð fitan.   Svo hef ég líka nægan forða í kreppunni og drepst ekki þó svo að ég þurfi að minnka við mig matinn.  Hef safnað í sarpinn síðan ég hætti að reykja 36 ára gömul. 

Ég segi bara Feitt er Fallegt

Fitan yngir upp

Gáttuð

Það er nú að koma berlega í ljós að þeir sem ýtt hafa á kreppubáruna séu vel menntaðir sérfræðingar sem voru í bindileikjum þ.e. hver var sniðugastur með bundið fyrir augun og með teninginn eina að vopni.   Af aurum verður maður api og af völdum fúll í skapi.

Ætli menn læri nokkuð frekar nú en af öðrum kreppum sem hafa dunið yfir.  Manísk bjartsýni er svo stutt undan og mönnum (homo sapiens þ.e. konur/karlar) líkar oflætið sem fylgir því að skjótast upp á bjartan stjörnuhiminn. 

Dreymdi einmitt áðan að ballið væri aftur byrjað og núna væræu hraðfara hlaupastigar í verslunum og til þess að menn geti skotist fljótar á milli deilda voru mjúkir stökkpallar á milli hæða... eitt var þó skrýtið, það voru bara fáeinar vörur sem voru til sölu, allt hinn var uppbónað umhverfi.

Jafnvel sérfræðingar eru gáttaðir