Munnleg samkomulög

Það vita allir að munnleg samkomulög eru ekki gildandi.  Það er hægt að gera samkomulag yfir kaffibolla en það hefur ekkert gildi séu þau ekki bókfær

Munnlegt samkomulag við FME

Lokinu lyft

Þegar lokinu er lyft af pottinum þá kemur ýmislegt í ljós.  Ég veit ekki hvort þetta sem Flosi er að leiðrétta sé samkvæmt naglasúpu uppskriftinni eða ekki.  Ekki hugmynd um hver er sekur eða saklaus.  Við vitum þó að sumir láta meira á sér bæra en aðrir og hafa í skugganum af sjálfum sér veimitítlulitla einstaklinga sem segja "já já" eina stundina og "ekki mér að kenna" hina stundina. 

Við erum að sjá innihald spillingar pottsins, lyktin er farin að berast um Kópavog og landið allt.  Hún er megn sú stybba sem íslendingar þurfa að þola nú, svo megn að menna missa mátt og geta ekki klipið sér í nef til að bjarga eigin vitum.  Það er eins og hver sveitarstjórn (Grímsey) og ríkisstjórn hafi glatað sér í góðærinu og látið gegndarlausa græðgi leiða sig áfram, tökum umheiminn með líka, við vitum ekki hvert þetta leiðir. Hvort við komust út úr þessu án þess að missa helming mannaflans sem knýr Ísland áfram   Kannski verður hér vargöld þar sem jarðýtur eru vopn uppreisnargjarna íslendinga

Gunnar er opinber persóna, þess vegna má ég hafa skoðun á honum, sama gildir um Flosa sem er nú farinn að kenna öðrum um verk sín hjá opinberum sjóði.... á hvað minnir þetta? - 

 

Sakar Gunnar um blekkingar

Stóri bróðir

Þá er komið að því, stóri bróðir er loksins farinn að láta sjá sitt rétta andlit.  Ég er ekki með voða mikið ofsóknarbrjálæði, en ég veit að það er hægt að fylgjast með mér á ýmsan máta, í gegnum Visa kortið mitt eða debet, gagnabanka spítalanna og áfram má telja.  Núna hefur Google Earth bæst í hópinn og ég er ekki lengur óhullt.  Eins gott að mér var kennt í æsku að "Guð" vakti yfir mér og sæi allt sem ég gerði.  Það gera mennirnir líka í dag. 

Ég er hætt að liggja ber á svölunum hjá mér heima því geislar Google Earth gætu beinst að holdugri miðaldra konu í sólbaði safnandi freknum.

Ræningjar gómaðir með aðstoð Google

Framhjáhald

Siðspilling, óheiðarleiki, undanhald og vinarklíkur.  Allt þetta hefur, er og verður til.  Það eru nánast sömu hausar við völd núna og voru í síðustu ríkisstjórn að undanskildum VG, sem enn og aftur láta almenning súpa seyðið af kolrugluðu sukki síðustu ára - er nokkuð skrítið að undanþágur séu gefnar.  Veit af útflutningsfyrirtæki sem lætur sínar tekjur fara í gegnum Svissneskan banka þ.e.a.s ef eyru mín hafa heyrt rétt, þessir peningar koma ekki heim, í besta falli eru þeir notaðir til að greiða erlendar skuldir þessa fyrirtækis sem og svo annarra sem stofnað hafa til slíkra skulda.

Seinagangur og ótti er við stjórnvölinn á Íslandi og þeir stjórnmálamenn sem börðu á brjóst sér (það er vont að lemja brjóst sín þegar maður er kona) og lofuðu að verja heimili landsins og þeirra sem minnst mega sín! - Hvar eru loforðin?  Ég les og heyri bara um niðurskurð hjá þeim lægst settu.  

Eignir auðmanna sem hafa sett Ísland í skuldarklafa eru ekki kyrrsettar og það er eins og það sé verið að draga rannsókn á langinn þar til fólkið í landinu er orðið það dofið að baráttuvilji þess hefur koðnað niður - svangur maður hefur lítið bol til þess að berjast.

En látum verkin tala sínu máli, framtíðin segir okkur hver heiðarleiki stjórnvalda er

Fara framhjá gjaldeyrishöftum

LFK

Helvíti eru menn rausnarlegir í Kópavogi við sjálfa sig  Hinn voldugi situr í öllum stjórnum sem hægt er að sitja í og ekki furða að hann telji að gott sé að búa í Kópavogi.  Mér er flökurt, veit ekki hvort það stafi af öllu súkkulaðikexaátinu (er að reyna að borða sem mest áður en vsk-inn hækkar) eða þeirri spillingu sem maður les um á hverjum degi.

Hvernig ætli það sé að týna siðferði sínu? - eða er eitthvað sérstakt siðferði sem á "bara" að vera í gangi?  Má það ekki bara breytast dag frá degi og í takt við þá sem stýra fleyinu?

Amen.

Stjórn LSK kærð til lögreglu

?

Erum við þróunarland og búum við við einræði? - Hvar eru loforðin sem voru gefin áður en til kosninga var gengið?  Ég vil fá að vita hvað er verið að skuldbunda okkur fyrir. 

Hefði ekki trúað þessum undanbrögðum frá hinum fyrrverandi gargandi Steingrími, nú glottir hann bara í sinni þrjóskuþráhyggjuröskun og lætur ekkert uppi.  Jóhanna er öxlin sem Steingrímur hallar sér að, allavega í þessu viðtali.

Enn leynd yfir Icesave-samningi

Hreint borð

Þá vitum við það.  Það er hreint borð.  Við vitum að lögfræðilega séð er hægt að hafa hreint borð þó svo  siðferðilega sé verknaðurinn ekki réttur.   Gott að Gunnar hefur hreina samvisku, ég get þá haft mína góða því refur get ég verið.

„Þetta jaðrar við brjálæði“

Jessss...

Svona á að standa að málum.  Akkúrat D og F sitja saman og Don Gunnar "papa il grande" situr bara út kjörtímabilið.  Þvílík og önnur eins kennslustund í siðfræði pólitíkusinnar fyrir unga fólkið í landinu.  Vafalaust er Gunnar hinn besti maður og að sögn hefur hann af ofurkrafti byggt upp Kópavog, en menn sem staðnir eru að verki að hygla il famiglia ættu að stíga til hliðar og sýna með því þroska og skilning á málinu, þetta eiga reyndir menn með innsæi inn í siðferðilega skyldu sína að gera.

Það má þakka Gunnari uppbyggingu í Kópavogi en tukta hann til vegna þess að hann lætur hjartað og fjölskyldutengsl ráða för - hann er góður faðir en dálítið krumpaður bæjarstjórnarmaður.   

Hef þetta að sjálfsögðu úr fréttum og blöðum og þekki ekki kauða af eigin reynslu, þess vegna er svo auðvelt fyrir mig að dæma því ég tengist ekki fjölskylduböndum.

Er oft að skoða minn innri mann og spekulera í því hvernig ég væri hefði ég völd.... myndi ég ganga í fótspor slíkra manna eða léti ég reglurnar ráðar? Veit ekki!

Falið að ræða við Framsókn

Bull

Neyðarlög á þetta eins og allt annað svínarí sem er í gangi í þjóðfélaginu í dag.  Það á ekki að láta láglaunafólk bera skaðann af sukki, svínaríi og gagnleysi ríkisstjórna síðustu ára.  Ég vona bara að þessi sem nú situr hafi burð í sér til að taka til og hreinsa burt skítinn.

„Ekki einfalt að lækka laun ríkisstarfsmanna"

Lögfest undanskot

Ég ætla ekki að þvo hendur mínar eins og Pilatus og þykjast saklaus af brestum sem hrjá okkur mannfólkið, en þetta mál eins og svo mörg önnur eru svo yfirgengileg að ég á ekki til orð.  Það að löglærðir menn sem ætla mætti að lærðu líka eitthvað í siðfræði geti gengið frá slíkum samningum líkt og samningar Sigurjóns við sjálfan sig er skilningi mínum ofviða.  Toppar þjóðfélagsins eru orðnir svo gegnumsýrðir af "græðgi" að þeir svífast einskins.  Ég velti því fyrir mér hvað menn hafa með milljarða að gera inn á eiknareikningum! ? - Ætli Sigurjón sé ekki bara "hurdler" (söfnunarsýki) og að það séu peningar sem hann telur líkt og Jóakim Önd sem veita honum stundarfróun.  Ég er eiginlega mest hissa á Sigurði, ég hélt að hann ætti snefil af siðferðiskennd og væri almennilegur karl.  Tek það fram að ég dæmi skv þeim fréttum sem fyrir mig eru bornar - þetta gætu allt saman verið kjaftasögur! Hvað veit ég?

Fékk 70 milljóna lán