Hagfelld

Hvað þýðir hagfelld? - Ég er svo rússuð af terpentínu eftir málun í morgun að heilinn á mér neitar að skilja þetta orð.  Er ekki bara verið að segja okkur að við séum í vondum málum og stórskuldug?  Vondu fréttirnar eru klæddar í falleg orð svo maður rjúki ekki bara sísona upp og verði brjálaður.  Annars má ég vera ánægð, seldi málverk í kreppunni í morgun og ég sem er ekki þekktur málari, það kalla ég nú hagfellda gleði! Úps, fattaði allt í einu hvað maðurinn á við, það er þegar hagur landsins fellur - hagkerfisfall.

Hagfelld niðurstaða í augsýn

Athugasemdir

[Rut Sumarliðadóttir, 23.3.2009 kl. 13:22]

Ég hef ekkert verið að sniffa en skil þetta ekki samt.

Til hamingju með söluna, ekki slæmt í kreppunni!

[Baldur (IP-tala skráð) 23.3.2009 kl. 13:29]

Skilur einhver Steingrím?  Svavar Gestsson formaður viðræðunefndar.  Hvílík móðgun.  Agnes mætti þjarma meira að þessum mönnum

[Þórarinn Sigurðsson, 23.3.2009 kl. 13:46]

Ef hann væri með blátt bindi þá slyppi hann ekki svo billega frá þessu, því get ég lofað. Magnað hvað fjölmiðlar eru hlutdrægir -- jafnvel hinn svokallaði auðvaldsmiðill, Mogginn, virðist ekki hafa mikinn áhuga á að gagnrýna ríkjandi öfl nema þau séu hægrisinnuð :P

[Bjorn Jonasson (IP-tala skráð) 23.3.2009 kl. 14:50]

 Já, ég tók líka eftir því hversu mikla trú Agnes hefur á Steingrími og Svavari, það sér það hver heilvita maður að svona hlutdræg fréttaumfjöllun er óásættanleg!  Davíð blábindungur var kjöldregin af Agnesi við hvert tækifæri og svo er Steingrími klappað  á bakið og því sem næst þökkuð vel unnin störf.  Agnesi er sennilega Vinstri-Græn!