Ofurlán

Lagstúfurinn Edelweiss, Edelweiss hljómar í eyrunum á mér. Áráttukenndur textinn breytist yfir í ofurlán, ofurlán.... en svona er þetta, þeir sem geyma aurinn lána sjálfum sér á litlum sem engum vöxtum og löngum afborgunartíma þ.e.a.s. ef það verður nokkurntímann greitt af þessu.

Afhverju í andskotanum var ekki brugðist við fyrr?  Ég segi það nú bara. Hver fréttin af fætur annarri um lánaveitingar eigenda til sjálfs síns.  Við erum ekki að tala um smáaur eins og 10 mkr íbúðarlán.  Neihei, þetta eru tugir milljarða sem hafa verið færðir í eitthvert skattaskjólið.

Verði þessu fólki að góðu.  Það getur örugglega setið að sumbli og sukki og glott út í annað þegar hugur þess reikar að lýðnum heima á Íslandi sem neyðist til að lifa við sult og seyru.  Ég andvarpa nú bara, svei mér þá.

Ég er fegin að ég dró mig í hlé frá fyrirtækjarekstri í lok árs 2002, ég var á góðri leið með að verða spilltur kellingarfjandi.

Eigendur virðast hafa fengið há lán

Athugasemdir

[Villi Asgeirsson, 11.3.2009 kl. 13:40]

Ekki segja mér að þetta gerist bara af sjálfu sér, að maður spillist við það eitt að vera í atvinnurekstri?

[Ólöf de Bont, 11.3.2009 kl. 17:15]

Nei Villi, þetta er kaldhæðni - auðvitað eru það bara fáir sem eru stórtækir í að hliðra til sér til handa.  Ég bara kunni ekki almennilega þá leið, var of mikil hæna í það.

[Villi Asgeirsson, 11.3.2009 kl. 19:41]

Betra að vera hæna en hrægammur. Þú kemst kannski ekki í vikulegt frí til Tívolíeyja, en getur kannski horfst í augu við sjálfa þig í speglinum á morgnanna.

[Ólöf de Bont, 11.3.2009 kl. 20:18]

Nei, til Tívolíeyja kemst ég ekki en þoli alveg eigin spegilmynd og horfi í augu sjálfrar mín - hrægammar fljúgja en hænur ekki.