Helv...

Helvítis fokking fokk sagði 4ja ára dóttursonur minn við kvöldverðarborðið í gær meðan hann stakk upp í sig matarbita.  Allir viðstaddir fjórir fullorðinir og ein 7 ára hnáta sprungu af hlátri og í kjölfarið með hláturshiksta var reynt að siða þann litla til og árétta við hann að svona ljótt talaði maður ekki.

Það er ýmislegt sem þessi börn læra af kreppunni og mótmælunum hér heima.  Helvítis fokking fokk og með klút fyrir vitum sér, svona læra litlu börnin af okkur stóru.

Ég ætla að halda stóískri ró í dag og láta ekki fokk æsa mig upp enda orðin of gömul og þurr....leg fyrir það.

Einhver benti mér á það að hér á blogginu, að stólpípa myndi laga öll mín vandamál.  Kominn tími til enda hin alvarlegasta tregða í hausnum á mér.  Fara þeir þá í gegnum nefið?

Ég skildi ekki alveg Ingibjörgu Sólrúnu í gærkveldi, en verð að segja að konan er bráðvelgefin og sleip.  Einnig afskaplega klók við að koma sér hjá flóknum spurningum.  Svona utanríkisráðherra vilja þjóðir, gáfaða, sleipa og þá sem kunna að þjálfa með sér tilfinningadeyfð gagnvart öllum þeim hörmungum sem ganga á í heiminum.

 

 

 

Athugasemdir

[Vilborg Traustadóttir, 8.1.2009 kl. 13:09]

Þessi litli er efnilehgur ;-).

ISG og þetta kjaftæði um "Nýja Ísland" er bara helvítis fokking fokk!!!!

Ísland heitir landið okkar.

Það nýja er í Kanada þangað sem við flúðum umvörpum fyrir hundrað árum og margir Íslendingar eru á leiðinni þangað aftur núna ásamt fleiri flóttamannabúðum fyrir Íslendinga sem geta ekki skrimt hér lengur.

Eins og þá!!!

[Björgvin R. Leifsson, 8.1.2009 kl. 18:27]

Passaðu þig bara á að fara ekki í framsóknarstólpípuna hjá Jónínu Ben.

[Ólöf de Bont, 8.1.2009 kl. 19:20]

Björgvin, ég er að hugsa um Böðin við Mývatn.  Útskolunin og lyktin af henni hverfu í kíslilyktinni.  Ég held að það fái fáir framsóknarmenn að koma að mér, þeir hafa hagað sér illa.  Ég þekki marga góða hér í gamla daga, sem ég bar hlýjar tilfinningar til.