Bjarni Ármanns

Kom sem nýr maður í Kastljósið í kvöld, hármeiri og án gleraugna.  Er hann að reyna að falla inní fjöldann?  Hann var mjög áberandi sem ungur, vatnsgreiddur gleraugnagámur sem kunni að draga að sér fé, meee eður ei.

Ég veit ekki hvað ég á að segja um hans framkomu í Kastljósinu og játningar hans um aðild að banka- og landshruni.  Auðvitað fékk ég kökk í hálsinn, hvað annað þegar menn játa misgjörðir sínar og eru tilbúnir til að greiða til baka það sem þeir fengu til sín.  Útskýringar hans voru skýrar og seldi hann manni söguna alveg frá A-Ö, eins og hann gerði meðan hann var bankastjóri og útrásarvíkingur.  Ég ætla honum samt hið góða, að hann virkilega sjái að sér og vilji bæta fyrir mistök sín, hann er ekki eins hortugur og hinir sem afsaka sig bak og fyrir og kenna öðrum um.

Kannski er það svo að hans 370 milljónir jafngildi árslaunum mínum sem eru núna lágmarkslaun sem atvinnuleysingi og flestir vita að eru undir 1.5 milljónum? Það má vera að þessar milljónir séu smáaurar í hans vasa.

Ef allir þessir drengir kæmu nú með ca. 500 milljónir til baka þá væru þeir að koma með 1.5 milljaðr til baka, þessir 30 strákar.

Mitt mál hjá Kaupþing.  Ég heyri frá lögfræðideildinni hvaða afstöðu þeir ætla að taka varðandi að hafa látið okkur hjónin endurgreiða 700.000 af okkar eigin féi vegna þess að sjóðstjóri lét okkur hafa peningana eftir lokun sjóðs.  Ég á ekki von á að lögin séu okkur hliðholl, við erum almenningur.

Endurgreiddi 370 milljónir

Athugasemdir

[hilmar jónsson, 5.1.2009 kl. 22:04]

Vantar bara skeggið og samfestinginn. Þá verður hann endanlega hvítþveginn..

[Ólöf de Bont, 5.1.2009 kl. 22:10]

Satt segir þú Hilmar, en mestu dýrðlingarnir hafa risið úr spillingu eða öskustónni. 

[hilmar jónsson, 5.1.2009 kl. 22:18]

Davíð Oddson ?

[Ólöf de Bont, 5.1.2009 kl. 22:23]

Ég vissi ekki að Davíð væri dýrðlingur, þó svo hann haldi það.

[leifur (IP-tala skráð) 5.1.2009 kl. 22:30]

    Rúv:                    31. janúar 2008 Bjarni Ármannsson fékk 700 miljónir króna í starfsloka-samning þegar hann hætti sem forstjóri Glitnis á sl. ári. Þrátt fyrir að Bjarni hefði gegnt forstjóraembættinu í 4 mánuði síðasta árs, fékk Bjarni 90 miljónir króna í laun frá Glitni í fyrra.Þá hagnaðist Bjarni um 381 miljón króna þegar hann nýtti sér forkaupsrétt á hlutabréfum. Eyjan:                      16. maí 2008 “Undanfarin tvö ár kostaði það Glitni 2,9 milljarða króna að hafa sextán æðstu stjórnendur sína í vinnu. Það gera rúmlega 181 milljón á mann…. Fyrir 16 æðstu menn bankans. Eyjan:                         16.maí 2008 Bjarni Ármannsson einn fékk um 790 milljónir króna í greiðslur frá Glitni á árunum 2006 og 2007 en hann lét af störfum á síðasta ári. Það gera rúmlega 1,5 milljón krónur á dag—hvern einasta virkan vinnudag 2006 og 2007. Vísir.is:                       27.maí 2008 Þegar Bjarni Ármannsson lét af störfum hjá bankanum samþykkti stjórnin að Glitnir myndi kaupa hluti hans í bankanum á 29 krónur á hlut en sama dag var meðalverð á hlutnum á Kauphöll Íslands 26,6 krónur. Hluthafar Glitnis borguðu því um 10 % YFIRVERÐ miðað við skráð gengi Kauphallar Ísl. Fyrir bréf forstjórans. Aðrir hluthafar fengu að sjálfsögðu ekki slíkt yfirverð fyrir bréf sín 

[Ólöf de Bont, 5.1.2009 kl. 22:39]

Já, Leifur - hann Bjarni er vísir að ljóði.  Ekki öfunda ég hann því þeir sem búa í demantshöllum eru oft ansi einmana.  Hann er að biðja okkur um að fyrirgefa sér svo hann geti aftur flutt með hreina samvisku heim á skerið.

[The Critic, 5.1.2009 kl. 22:43]

þetta eru ekki nema rúmlega 180 miljónir sem hann er að endurgreiða, gleymum ekki að krónan er búinn að falla mikið síðan Bjarni flutti úr landi með miljónirnar sínar.

[Ólöf de Bont, 5.1.2009 kl. 22:47]

Úff, við erum alltaf að tapa meðan aðrir græða.... vonandi greiðir hann í norskri mynt.  Hvað hefði ég gert hefði ég haft tækifæri? - Maður veit aldrei hvar siðgæði manns liggur fyrr en maður stendur frammi fyrir freistingunni, ég er ekki að afsaka manninn því hann féll í freistni og hafði gáfur og getu til að koma sér áfram í fagra manna hópi og fjögurra kvenna.